ஆப்பர் போடும் அலிபாபா இணையதளமும் இந்திய இணையதள தம்பிகளும்..:

சில நாட்களுக்கு  முன் இந்திய மின் வணிக நிறுவனமான பிளிப்கார்ட் பிக் பில்லியன் டே என்ற  சலுகை விற்பணையை அறிவித்தது  அது  வாடிக்கையாளர்களிடம் பெரும் வரவேற்ப்பை  பெற்ற போதும் தோல்வி அடைந்தது.  ஆனால்  அரசு இந்த நிறுவனங்களை கண்காணிக்கும் என்று அமைச்சர்  அறிக்கைவிட்டார். மின் வணிகம் என்பது தொலைக்காட்சிகளில் பெரும் விவாதப்பொருளாக மாறியது.  இருந்த போதும் அந்த நிறுவனத்திற்க்கு எந்த லாபமும் இல்லாமல் அது  முடிந்தது. ஆனால்  சீனாவில் அலிபாபா  இணையதளம்  மிக சிறப்பாக சலுகை விற்பனையை செய்துள்ளது.

சீனாவில் முன்னணி மின் வணிக நிறுவனமான அலிபாபா செவ்வாய்க்கிழமை நடத்தியஒரு நாள் சலுகை விற்பனையில் 9,300 கோடி டாலர் மதிப்பிலான பொருட்கள் விற்பனைசெய்துள்ளது இந்நிறுவனம். ஆண்டுதோறும் நவம்பர் 11-ம் தேதியன்று மகத்தான தள்ளுபடியில் பொருட்களை விற்பனை செய்வதை இந்நிறுவனம் வழக்கமாகக் கொண்டுள்ளது.

இந்த ஆண்டு இந்த சலுகை விற்பனையில்  மின் வணிக சந்தை வல்லுநர்களின் எதிர்பார்ப்பையும் மீறி அதிக அளவுக்கு பொருட்களை விற்பனை செய்து சாதாரண வணிகர்களை வியப்பில் ஆழ்த்தியுள்ளது. இதே  சலுகை விற்பனை கடந்த ஆண்டு நடந்த போது 580 கோடி  டாலருக்கு விற்பனை நடந்திருந்தது.

 இந்த ஆண்டும் அதே போன்ற  ஒரு அளவில் தான் விற்பனை  நடக்கும் என எதிர்பார்க்கப்பட்டது. ஆனால்  விற்பனை  அளவு  அதைவிட பலமடங்கு அதிகமாகியுள்ளது.  மொத்தம் 27.80 கோடி பேர் இந்த விற்பனையில் பொருளட்களை வாங்க பதிவு செய்துள்ளனர்.  இவர்களில் 43 சதவீதம் பேர்  அலைபேசிகளையும் அது சார்ந்த பொருள்கள்வாங்குவதற்கு பணம் செலுத்தியவர்களாவர். கடந்த ஆண்டு இந்நிறுவனம் நடத்திய விற்பனையில் 15 கோடி பேர் பங்கேற்று பொருள்களை வாங்கியது குறிப்பிடத்தக்கது.  ஒருநாள் வர்த்தகத்தில் 27,000 வர்த்தக நிறுவனங்கள் 220 நாடுகளில்தங்களுடைய தயாரிப்புகளை அலிபாபா மின் வணிகம் மூலம் விற்பனை செய்யதுள்ளன. சமீபத்தில்தான் இந்நிறுவனம் நியூயார்க் பங்குச் சந்தையில் பட்டியலிட்டு அமெரிக்கர்கள் பங்கு முதலிடு செய்ய வலி வகுத்தது.

Snapdeal  விற்பனை 

இந்தியாவில் செயல்படும் மின் வணிக நிறுவனமான SnapDeal, செவ்வாய்க்கிழமை இதேபோன்று சலுகை விற்பனையை அறிவித்தது. செவ்வாய்க்கிழமை காலை 7மணிக்கு இந்நிறுவன விற்பனை தொடங்கியது. செல்போன், ஆயத்தஆடைகள், நுகர்வோர் பொருள்கள் உள்ளிட்டவற்றுக்கு அதிக அளவில் தள்ளுபடி அளிக்கப்பட்டது.

ஆனால் இந்த நிறுவனத்தின்இணையதளம் விரைவிலேயே முடங்கியதால் வாடிக்கையாளர்கள் பெரும் அதிருப்திக்குள்ளாயினர். மின் வணிக நிறுவனங்கள் எப்படி இத்தகைய சலுகைகளை வழங்குகின்றன என ஏற்கணவே  நமது தளத்தில்  ஒரு  கட்டுரை வெளியிடப்பட்டுள்ளது. அதில் இந்த வணிக நிறுவனங்களின் பொருட்களின் தரம் பற்றி மிக தெளிவாக விளக்கப்பட்டுள்ளது.

Thanks to : http://www.techtamil.com/

இணையத்தில் குறைந்த விலையில் விற்பதால் அமேசான் & பிளிப்கார்ட் எப்படி இலாபம் சம்பாரிக்கின்றன :

கடந்த வாரம் flipkart இளையதளம் “பிக் பில்லியன் டே” எனும் பெயரில் குறைந்த விலையில் பொருட்களை விற்பனை செய்யப் போவதாக பயங்கரமாக விளம்பரம் செய்தது.

தூங்காமல் நானும் காலை 8 மணிக்கு அவர்களின் windows phone apllication ஐ என் lumia 625 கைபேசியில் திறந்து வைத்து ஏதேனும் புதிய கைபேசி விலை குறைவாக வருகிறதா என பார்த்து கொண்டிருந்தேன்.
900 ரூபாய்க்கு lumia 520 கைபேசி விற்பனைனு இருந்துச்சு. ஆசம் ஆசம்னு எனக்கு நானே சொல்லிக்கிட்டு வாங்கலாம்னு தொட்டேன் , உடனே ” sold out ” னு வந்துச்சு.

சரி லென்சு வச்ச slr கேமரா ஒன்று 32000 இல்லை வெறும் 17000 தான்னு ஒரு ஆப்பர் இருந்துச்சு, நாம தான் வெவரமான ஆளாச்சே! டபக்குனு snapdeal தளத்துக்கு தாவி அவனுக விலையை பார்த்தேன் , rs 14500 ” வாவ் வட் எ போட்டி !”
காசு கம்மின்னு கழுதை விட்டை கைநிறைய வாங்கக்கூடாது ! நமக்கு தேவைனா மட்டும் வாங்கனும்னு எங்க அப்பா சொல்லுவார் , அந்த கேமராவுல 3.5 mm ஒலி jack இல்லை , ” external audio output” கொடுக்க முடியாது. அதனால வாங்காம விட்டேன் , கொஞ்சம் நேரம் கழிச்சு பார்த்தா இரண்டு இடத்துலேயும் 18000 க்கு மேல விலைய ஏத்திவிட்டாணுக .

என்னுடைய lumia 625 உடைந்து நொருங்கியதால , புது 625 ஐ amazon தளத்துள rs 8999 க்கு சிறப்பு விலைக்கு வாங்கினேன் .
உலகம் பூராம் அதை rs 13000 க்கு கம்மியா எவனும் விக்கல , ஆனா ஒரு வியாபாரி மட்டும் அமேசான் தளத்துள rs 7999 to rs 8999 க்கு விலைய மாத்தி மாத்தி போட்டு வித்துகிட்டு இருந்தான் , அவன்கிட்ட வாங்குன நான் உட்பட பலருக்கும் 625 கைபேசியின் திரைல ஒரு ஓரத்துல கருப்பா மங்கலா இருந்திருக்கு , இந்த கடைக்காரன் திரைல பிரச்சனை இருக்கிற கைபேசியை ஆப்பர் விலைக்கு வித்துகிட்டு இருக்கான்.

amazon/flipkart இரண்டு பேரும் 1000 கோடி ருபாய் 2000 கோடி ருபாய் புதிய முதலீடுகள் மூலம் இந்தியாவின் இணைய விற்பனை சந்தையை கைப்பற்ற முயன்று வருகிறார்கள் .
இவர்கள் தொலைகாட்சி விளம்பரங்களுக்கு பணம் ஒதுக்குவது போல ஒரு சில கோடி ரூபாய்களை தங்களின் “போலி சலுகை ” விற்பனைக்கு பயன் படுத்திகிறார்கள்.
அதாவது ஒரு வியாபாரி ஒரு பொருளை ரூ 10,000 க்கு இவர்கள் தளத்தில் விற்பனை செய்கிறார் என்றால் 5% முதல் 15% கட்டணமாக இந்த தளங்களுக்கு அந்த வியாபாரி காட்ட வேண்டும், விற்பனை விலை 10,000 என அவர் நிர்ணயம் செய்தாலும் இந்த தளம் 7000 ருபாய் என விற்பனை செய்யும் , இதனால் இவர்களுடைய 5 % கட்டண வருமானமும் போகும் , மேலும் நட்டத்தை தாங்களாகவே ஏற்ப்படுத்திக் கொள்கிறார்கள். இதனால் showroon , dealer கள் பெரும் கடுப்பில் இருக்கிறார்கள் , தங்களிடம் கோடிகளில் பணம் இருக்கிறது என்பதற்காக விற்பனை விலையை விட குறைந்து விற்றால் , இனி யாரும் இவர்களுக்கு பொருட்களை அனுப்பக்கூடாது என பல டீலேர்கள் போர்க் கொடி தூக்கியுள்ளார்கள்.

நட்டத்துக்கு வித்தாலும் பல நேரங்களில் நல்ல பொருள் நமக்கு கிடைக்க மாட்டிகுது , சிலருக்கு flipkart தளத்துல நிமிசத்துக்கு ஒரு முறை விலைய ஏத்தி ஏத்தி பிக் பில்லியன் டே ல ஏமாத்தியிருக்கிறார்கள்.
முதல் நாள் விலையா கூட்டி வச்சு “BBD” ல முந்தய நாளோட அதே விலைக்கு சில பொருட்களை வித்ததாக சிலர் கண்டு பிடிச்சிருக்காங்க,
இவனுங்க கிட்ட கோடிக்கனக்கான பணம் இருப்பதா தெரிஞ்சுகிட்ட அரசு வான்டடா வந்து “மக்களின் நலன் கருதி “விசாரிக்க போகுதாம் ?
ஆகவே ஆப்பர் ஆப்பர்னு கண்டதையும் வாங்காமல் விழிப்புடன் இருப்போம்!!

Thanks to : http://www.techtamil.com/

முகநூலை தூக்கி எறியுங்கள், விக்கிப்பீடியாவில் எழுதுங்கள்.

முகநூல் பல புதிய தமிழ் எழுத்தாளர்களை உருவாக்கியுள்ளது.  இலக்கிய நடையில் எழுதினால் தான் ஒருவர் எழுத்தாளர் என்பதையும் தாண்டி மக்களுக்கு எளிதில் புரியும் விதமாக எழுதுவோர் அனைவரும் எழுத்தாளரே  எனும் சூழ்நிலை உள்ளது.

நிகழ்காலத்தில் அனைவருக்கும் பொதுவான அறிவுக் களஞ்சியமாக விளங்கும் நமது Wikipediaவில் உலகில் உள்ள பலரும் தத்தம் மொழியில் கட்டுரைகளை எழுதி வருகின்றார்கள்.

அதிக கட்டுரைகள் அடிப்படையில்.,

ஆங்கிலம், பிரஞ்சு, டச்சு மொழிகள் முதல் இடத்திலும்.

ஹிந்தி , சீனம், அரபி போன்ற மொழிகள் இரண்டாம் இடத்திலும்,

மலையாளம், மணிப்பூரி, கன்னடா, தமிழ் என நான்காம் இடத்திலும் மொழிகள் உள்ளன.

தமிழில் எழுதும் அன்பர்களை பாராட்டும் விதத்தில் ஒரு போட்டியும் நடக்கிறது. ஒவ்வொரு மாதமும் அதிக கட்டுரை எழுதும் அன்பரின் பெயர் மற்றும் புகைப்படம் தமிழ் விக்கி முதல் பக்கத்தில் இடம் பெரும்.

ஏற்கனவே உள்ள கட்டுரையை மேம்படுத்தலாம் அல்லது புதிய தலைப்பிலும் எழுதலாம். முகநூல் தளத்தில் தினமும் மணிக்கணக்கில் நேரம் செலவழிக்கும் நாம், ஒரு வாரத்தில் குறைந்தது இரண்டு மணிநேரம் ஒதுக்கினால் ஒரு கட்டுரையை எழுதிவிட முடியும். நாம் அனைவரும் மாதத்திற்கு ஒரு கட்டுரையாவது Wikipediaவில் எழுத வேண்டும் என முடிவு செய்து எழுதுவோம் இணைந்து தமிழ் வளர்ப்போம்.

Thanks to : http://www.techtamil.com/editor-pages/tamil-wikipedia-article-writing-contest-2013/

கூகல் தேடுபொறிக்கு அறிவு வளர்ந்துள்ளது!

நமது அன்றாட இணைய பணிகளில் தேடுபொறிகளின் பங்கு மிகவும் பயனுள்ளதாக உள்ளது. இதில் முதலிடத்தில் இருக்கும் கூகல் எவ்வாறு படங்களை தேடுகிறது, ஒரு பட கோப்பை எப்படி வார்த்தைகளால் விளக்குகிறது என்பதை இப்பொழுது பார்ப்போம்.

நீங்கள் ஒரு மன்னர் ஒருவரின் படத்தை பார்த்தால் உங்களுக்கு என்னென்ன தோன்றும்?

1. ஒரு ஆண்

2. ஒருவர்

3. நின்றுகொண்டு இருக்கிறார்

4. அரசர்

அதே போல்., ஒரு ராணியின் படம் என்றால்.,

1. ஒரு பெண்
2. ..
3. ..

என  அவர் மன்னர் என்பதை தாண்டி அந்த படத்தின் பொது காரணிகள் “ஒரு ஆண்” என்பது அனைத்து மொழிகளிலும்  ஆண் என்பது தான்.

இது போல ஒவ்வொரு படத்தில் இருக்கும் ஒவ்வொரு பாகத்திற்கும் உள்ள பொது பெயர்களை கணிதத்தில் வெக்டார் (Vector Space Maths) (திசை வெளி/கோட்டுக் கணிதம்) கோட்டில் வரிசையாக அடுக்கி.,  எந்தெந்த சொற்கள் இந்த சொல்லுக்கு அடுத்து அதிகமாக வருகிறது என்பதையும் தொடர்புபடுத்தி, ஒரு படத்தை வார்த்தைகளால் விளக்கும் முறையை கடந்த ஆண்டுகளில் படிப்படியாக கூகல் தேடுபொறியில் பொறியாளர்கள் ஏற்படுத்தி வந்துள்ளனர்.

Translation அதாவது மொழியாக்கம் / மொழிபெயர்த்தல் செய்வது என்பது  ஒவ்வொரு சொல்லாக ஒரு மொழியில் இருந்து அடுத்த மொழிக்கு மாற்றி., பின்னர் வாக்கியம் அமைத்தல் என படிப்படியாக செறிவடையும் ஒரு செயல்முறை.

அனால்., கூகள் தேடுபொறி இப்பொது ஒரு பட கோப்பில் என்ன உள்ளது என்பதை ஆங்கிலத்திலும், தமிழிலும் இன்ன பிற மொழிகளிலும் எழுதி விளக்கும் வண்ணம் வளர்ந்துள்ளது.  இதன் திறனை மதிப்பீடு செய்ததில்  சிறந்த மனிதன் 69 மதிப்பெண் பெற்றால் இது 59 மதிப்பெண் பெறுகிறது. விரைவில் மனிதனின் திறனை விட அதிகமாகும் வாய்ப்புள்ளது. ​

IBM நிறுவனத்தின் வாட்சன் எனும் கணினி இப்படிதான் பல திறன்களுடன் உருவாக்கப்பட்டது. இபொழுது வாட்சனின் திறனை வைத்து பலரும் சிக்கலான பிரச்சனைகளுக்கு தீர்வு காணும் பல மென்பொருள்களை சமூக நலனுக்காகவும், நிறுவனமாகவும் உருவாக்கி வருகின்றனர். ஒரே ஒரு வாட்சன் செர்வர் அனைத்தையும் செய்யும்.

கூகள் என்னதான் திறனாக இருந்தாலும் அதன் இறுதி பயன் வெறும் விளம்பரம் காட்டுதல் என முடங்கி விடும். ஏற்கனவே உலகின் பல திறமைசாலிகள் வேலை வெட்டி இல்லாமல் முடங்கி இருக்கும் இடமாக கூகல் அலுவலகங்கள் உள்ளன. 85% கூகல் ஊழியர்களுக்கு சவாலான வேலை எதுவும் இல்லை. அதிக பட்சம் Youtube Comments Moderation செய்து கொண்டு இருப்பார்கள். ஆனால் அந்த வேலை பார்ப்பவர் அண்ணா பலகலைகழகத்தில் சிறந்த மதிப்பெண் பெற்றவராக இருப்பார்.

Thanks to : http://www.techtamil.com/news-in-tamil/technology-news-in-tamil/google-image-caption/

தஞ்சையை ஆண்ட மராட்டியர் வரலாறு. (மக்கன்சி சுவடிகளை அடிப்படையாகக் கொண்டது)

தஞ்சை மராட்டியர் வரலாறு. 

ஆக்கியோன் தஞ்சை வெ.கோபாலன், இயக்குனர், பாரதி இலக்கியப் பயிலகம், 28/13, எல்.ஐ.சி.காலனி 5ஆம் தெரு, தஞ்சாவூர் 613007.  தொலைபேசி எண். 9486741885 மின்னஞ்சல்: privarsh@gmail.com தஞ்சையை ஆண்ட மராட்டியர் வரலாறு. (மக்கன்சி சுவடிகளை அடிப்படையாகக் கொண்டது) முதல் பகுதி.

தஞ்சை சோழ மன்னர்கள் ஆண்ட பிரதேசமல்லவா? அங்கு நாயக்க மன்னர்களும் அவர்களைத் தொடர்ந்து மராட்டிய மன்னர்களும் எப்படி வந்தார்கள்? இவைகள் பற்றியெல்லாம் ஆய்வறிஞர் முனைவர் குடவாயில் பாலசுப்பிரமணியன் அவர்கள் "தஞ்சையை ஆண்ட நாயக்கர் வரலாறு" எனும் நூலில் விரிவாக எழுதியிருக்கிறார். அவர்களைத் தொடர்ந்து தஞ்சையை மராட்டிய மன்னர்கள் ஆண்டார்கள். இது குறித்து மக்கன்சி சுவடிகள் தஞ்சை சரஸ்வதி மகால் நூலகத்தில் பாதுகாக்கப் படுகின்றன. அதன் அடிப்படையில் தஞ்சை மராட்டியர் வரலாறு குறித்து http://bharathipayilagam.blogspot.in/2011/09/blog-post_20.html மேற்கண்ட தளத்தில் சென்று பார்க்கலாம்....

1. 
   

இரண்டு கணனிகளுக்கிடையில் பைல்களைப் பரிமாற

”இரண்டு கணனிகளுக்கிடையில் எவ்வாறு பைல்களைப் பரிமாறலாம்?” என்பது பற்றி இப்போது பார்ப்போம். இங்கு சொல்லப்படும் முறை மூலம் பைல்களைப் பரிமாற மட்டுமே முடியுமே தவிர இரண்டு கணனிகளுக்கிடையில் இணைய இணைப்புகளை இணைக்கும் முறையல்ல. இரண்டு கணிணிகளுக்கிடையில் பைல்களைப் பரிமாற, அடிப்படை தேவைகள் சில உண்டு.

முதலாவது, இரண்டு கணனிகளிலும் Network Card இருக்க வேண்டும். மற்றையது, இரண்டு கணனிகளும் இயக்க நிலையிலேயே இருக்க வேண்டும்.

இரண்டு கணணிகளுக்கிடையில் Hub , Switch போன்ற இணைய சாதனங்கள் இல்லாமல் Network card ஊடாக இரண்டு கணனிகளை இணைக்க cross-over கேபில் பயன் படுத்தப்படுகிறது. இந்த cross-over கேபில் (கீழேயுள்ள படத்தைப் பார்க்க) வழமையான Ethernet கேபிலிலிருந்து வேறுபட்டது.

Cross-Over கேபில்

இரண்டு கணினிகளையும் cross-over கேபிலால் இணைத்த பின், அடுத்ததாக இரண்டு கணனிகளிலும் IP முகவரிகளை (IP address) மாற்றியமைக்க வேண்டும்.

அதற்கு முன், எவ்வாறு IP முகவரிகளை Windows XP இயங்கு தளத்தில் மாற்றியமைப்பது என்பது பற்றிப் பார்ப்போம்.

Step  1:
Start பின் Settings ஊடாக Network Connections தெரிவு செய்யுங்கள். அதன் window கீழே உள்ளவாறு காணப்படும்.

Step 2:

அதன் பின், புதிதாக வந்திருக்கும் window பின்வருமாறு காணப்படும்.

• Local Area Network என்பதன் கீழ் உள்ள network cardக்குரிய Icon மஞ்சள் நிற விழிப்புக் குறியுடனும் “Limited or No Connectivity” எனும் செய்தியுடனும் இருக்கும்.

(அதாவது இன்னும் இரண்டு கணினிகளும் தொடர்பாடலை மேற் கொள்ள தயாராயில்லை என்பதே ஆகும்).

Step 3:
அடுத்து அந்த மஞ்சள் நிற Icon மீது Right Click செய்து, புதிதாக வரும் Menuவிலிருந்து Properties என்பதைத் தெரிவு செய்யுங்கள். அப்போது தோன்றும் Local Area Connection Properties டயலொக் பொக்ஸில் General ரப் இன் (Tab) கீழ் Internet Protocol (TCP/IP) என்பதைத் தெரிவு செய்து அதன் கீழே உள்ள  Properties பட்டனையும் click செய்யுங்கள்.

அதன் window கீழே உள்ளவாறு காணப்படும்.

Step 4:

புதிதாக தோன்றும் டயலொக் பொக்ஸில் Use the following IP address என்பதைத் தெரிவு செய்து கீழே உள்ள வாறு அதன் IP முகவரியை மாற்றியமையுங்கள்.

முதலாவது கணனியில் (கணனி-1) IP முகவரியாக 192.168.0.1 எனவும்,
இரண்டாவது கணனியில் (கணனி-2) 192.168.0.2 எனவும் வழங்குங்கள்.

கீழேயுள்ள படத்தைப் பார்க்க.

இப்போது உங்கள் இரண்டு கணனிகளையும் ஒன்றாக இணைத்துள்ளீர்கள். நீங்கள் இரண்டு கணினிகளுக்கிடையில் தேவையானவற்றை பகிர்ந்து கொள்ள முடியும்.

நீங்கள் செய்தது சரி தானா? என்பதை உறுதி செய்து கொள்ள பின்வரும் முறையைபின்பற்றுங்கள்.

Step  1:

• Start → Settings ஊடாக Network Connections தெரிவு செய்க.

• புதிதாக வரும் windowல் Network cardக்குரிய iconல் மஞ்சள் நிற விழிப்புக் குறி மறைந்திருப்பதைக் காணலாம் அல்லது icon மேல் பூட்டு வடிவில் ஒரு icon இருக்கும்.

கவனிக்க:
Network cardக்குரிய icon மேல் பூட்டு வடிவில் இருந்தால் பைல் பரிமாறம் செய்வதை windows அனுமதிக்காது. ஏனென்றால், இது Firewall இயக்க நிலையிலுள்ளது என்பதைக் காட்டுகிறது. அதை சரி செய்ய, இடப்பக்கம் Network Task என்பதன் கீழ் Change Windows Firewall Settings என்பதைக் கிளிக் செய்யுங்கள். இது Firewall இயக்க நிலையை தற்காலிகமாக நிறுத்திக் கொள்ளும். தற்போது சரி செய்யப்பட்டுள்ளது. இப்போது நீங்கள் இரண்டு கணணிகளுக்கிடையில் தேவையானவற்றை பகிர்ந்து கொள்ள முடியும்.

உங்கள் கணினி-1 in IP முகவரிகளை (IP address) பெற,

• Start → Run ஐத் தெரிவு செய்யுங்கள். அதன் பின் தோன்றும் windowவில் “cmd”என type செய்யுங்கள்.
• புதிதாக தோன்றும் windowவில் “ipconfig” என type செய்து enter கீயை அழுத்துங்கள்.
• அந்த windowவில் ஐபி முகவரிகள் பற்றிய விபரம் பின்வருமாறு தெரியும்.

IP Address: 192.168.0.1
Subnet Mask: 255.255.255.0 (இது வேறுபடும்)
Default Gateway: 192.168.0.1 (இது வேறுபடும்)
Preferred DNS Server: 192.168.0.1 (இது வேறுபடும்)

இரண்டாவது கணனியிலும் கீழே உள்ளவாறு ஐபி முகவரியை மாற்றி அமையுங்கள் (இதற்கும் மேலுள்ள முறையைப் பின்பற்றுக).

IP Address: 192.168.0.2
Subnet Mask: 255.255.255.0
Default Gateway: 192.168.0.1
Preferred DNS Server: 192.168.0.1

இவ்வாறு இருப்பின் இரண்டு கணினிகளுக்கிடையில் தேவையானவற்றை பகிர்ந்து கொள்ளுங்கள் .

மறந்த WiFi Network இன் கடவுச் சொல்லை மீட்பதற்கு!( WiFi Password Recovery)

அலுவலகம், கல்லூரி அல்லது ஒரு பொது இடத்தில் WiFi பயன்படுத்த விரும்பும் போது அதன் கடவுச்சொல் நமக்கு தெரிந்திருக்க வேண்டும். அதை நாம் மறந்திருந்தால் எப்படி கண்டுபிடிக்கலாம் என்று உதவுகிறது இந்த Wireless Key View என்ற மென்பொருள்.

முதலில் Wireless Key View என்ற இந்த  மென்பொருளை தரவிறக்கி கொள்ளுங்கள். முக்கியமாக நீங்கள் எந்த இணைப்பிற்காக கடவுச்சொல்லை தேடுகிறீர்களோ அந்த இணைப்பில் இருக்க வேண்டும்.(Wi-Fi Area உள்ளே இருக்க வேண்டும்)

Kalaivanan

.

அடுத்து உங்கள் மடிக்கணினியில் Wifi ON செய்யப்பட்டு இருக்க வேண்டும். இப்போது மென்பொருளை நிறுவிக் கொள்ளுங்கள். இதனை ஓபன் செய்ததும் நீங்கள் இருக்கும் இடத்தில் கிடைக்கக் கூடிய Wi-Fi இணைப்பு பற்றிய தகவல்களை இந்த மென்பொருள் தரும்.

முதலில் Network பெயர், அடுத்து அதன் Key Type, பின்னர் கடவுச்சொல்(Key, ASCII ) போன்றவை கிடைக்கும். இதன் முன்னரே நீங்கள் அந்த இணைப்பை பயன்படுத்தி இருந்திருக்க வேண்டும். மறந்து போன கடவுச் சொல்லை உங்கள் கணணியில் இருந்து இது மீட்டு தரும்.

இது நீங்கள் வேலை செய்யும் அலுவலகத்தில் அல்லது பள்ளியில் அல்லது கல்லூரியில் Adminவரவில்லை என்றாலோ, புதிதாக ஏதாவது இணைப்பு கொடுக்கும் பொழுதோ இந்த மென்பொருள் உங்களுக்கு பயனுள்ளதாக இருக்கும் அல்லவா, எனவே மறவாமல் இப்போதே தரவிறக்கி கொள்ளுங்கள்.

Download

Thanks: http://www.techtamil.com/

லேப்டாப் திருடப்பட்டால்

  

காணாமல் போன Laptop ஐ எப்படி கண்டறியலாம், அதிலுள்ளதகவல்களை எப்படி பாதுகாக்கலாம் என்று பார்ப்போம் .இதற்கு LAlarm என்ற இலவச software ஐ Download செய்து உங்கள் Laptop ல் நிறுவிக்கொள்ளுங்கள் XP,Vista போன்றவற்றிற்கு இது சரியான தேர்வு . Windows 7 OS வைத்திருப்பவர்கள் புதிதாக வந்துள்ள Beta version 5.0தேர்வு செய்துகொள்ளுங்கள்.Instal செய்தபின் அதில் உள்ள option தேர்வு செய்து கீழ்க்கண்டவற்றை தேர்வு செய்யுங்கள்




படத்தில் கண்டவாறு Alaram option தேர்வு செய்து Unsafe Zone ல் உங்களுக்கு ஏற்றவாறு சில நிமிடங்களுக்கு ஒருமுறை alaram ஏற்படும்படி நிறுவுங்கள்.
Laptop உங்கள் I.P இல்லாமல் பிற I.P ல் அலாரம் அடிக்க
இதற்க்கு கீழ்க்கண்ட படத்திலுள்ளபடி உங்கள் I.P ஐ நிறுவுங்கள் திருடிய நபர் வேறு I.P ஐ பயன்படுத்தும்போது அலாரம் எழுப்பும். அலாரத்தை உங்கள் விருப்பம்போல் தேர்வு செய்யும் வசதியும் உண்டு.
 


சரி திருடிய நபர் பக்கத்தில் இருந்தால் தானே இந்தமுறை உபயோகப்படும் , வேறு இடத்தில் இருந்தால் எப்படி ?
Mail & Mobile (Alert)மூலம் தகவல் அனுப்பும் வசதி:
இந்தமுறைப்படி நமது மெயில் ID , Password போன்றவற்றை பதிவு செய்தால் முதலில் நமது mail ID க்கு Test Mail முதலில் அனுப்புவார்கள் திருடப்பட்டு வேறு IP ல் இயங்கும் போது Alert Message அனுப்பிவிடும் . இதேபோல் மொபைல் எண்ணை இங்கு Click செய்து கொடுக்கப்பட்டுள்ள முறைப்படி பதிவுசெய்தால் Mobile Alert செய்தி வந்துவிடும். 


மேற்கண்ட இரண்டு முறைப்படியும் Laptop கண்டறியமுடியவில்லை அதில் முக்கிய தகவல்கள் உள்ளன அவற்றை திருடிய நபருக்கு கிடைக்காமல் செய்யவேண்டும் எப்படி என்று பார்ப்போம் .

(Destroy Data Automatically In Case Of Theft)
இதற்கும் வசதி உண்டு Recovery தேர்வு செய்து முக்கிய தகவல் உள்ள Foder களை தேர்வு செய்துவிடுங்கள் திருடியவருக்கு கிடைக்காமல் தகவல்கள் தானே அழிந்துவிடும்.


மேலும் இதில் Laptop Battery , Disk பாதுகாப்பு வசதியும் உண்டு ( Disk and Battery Production) என்பது கூடுதல் சிறப்பு, உங்கள் Laptop Lowbattery நிலைக்கு வரும் முன் Alaram எழுப்பும், ஏதாவது Disk Failure ஆகும்போதும் alaram எழுப்பும். சிறப்பான பாதுகாப்பு ஒரு MB க்கு குறைவான அளவே இந்த சிறப்பான இலவச software 

 Thanks: http://www.techtamil.com/

தவறி அனுப்பும் குறுஞ்செய்தியை படிக்கும் முன் அழிக்கும் வசதி கொண்ட புதிய செயலி

தவறி அனுப்பும் குறுஞ்செய்தியை படிக்கும் முன் அழிக்கும் வசதி கொண்ட புதிய செயலி

'இன்விஸிபிள் டெக்ஸ்ட்' (“Invisible Text”) என்ற செயலி மூலம் பயனர்கள் அனுப்பிய குறுஞ்செய்தியை, பெறுபவர் படிக்கும் முன்னரே அழித்துவிடும் வசதியைக் கொண்டுள்ளது. அதனால் உங்கள் நண்பருக்கோ, காதலிக்கோ நீங்கள தவறாக அனுப்பிய குறுஞ்செய்தியைப் பற்றி இனி கவலைப்படவேண்டாம். இதில் ஒரே சிக்கல், செயலி அழிக்கும் வரை, அந்த குறுஞ்செய்தி படிக்கப்படாமல் இருக்க வேண்டும். 

இதே போல, வீடியோ மற்றும் குரல் பதிவுகள், புகைப்படங்கள் ஆகியவற்றை அனுப்பிவிட்டு, அவை குறிப்பிட்ட காலம் வரை மட்டுமே பெறுநர்களின் மொபைலில் இருக்குமாறு நேரத்தை நிர்ணயிக்கும் டைமர் வசதியும் இதில் உள்ளது. 

ஆண்ட்ராய்ட், ஆப்பிள் ஐஓஎஸ் மற்றும் பிளாக்பெர்ரி மொபைல்களுக்கு தற்போது இந்த செயலி அறிமுகப்படுத்தப்பட்டுள்ளது. இந்த வசதி உங்கள் குறுஞ்செய்தி மற்றும் படங்களை பெறுபவரது மொபைலிலும், 'இன்விஸிபிள் டெக்ஸ்ட்' செயலி இருந்தால்தான் இந்த அம்சம் வேலை செய்யும். 

ஃபேஸ்புக் அதிக நேரம் பயன்படுத்தினால் மன அழுத்தம் உள்ளாகும்.

*  நீங்கள் எவ்வித நோக்கமும் இல்லாமல் ஃபேஸ்புக்கில் அதிக நேரம் செலவிடுகிறீர்களா?

*  உங்களது விழிகள் திரையை விட்டு நீங்காமல் இருக்கின்றதா?

அப்படி என்றால் நீங்கள் மன அழுத்தத்தை உள்ளாகும் அபாயத்துக்கான அறிகுறிகள் உங்களிடம் இருக்கிறது என்று ஆய்வாளர்கள் கருத்து தெரிவித்துள்ளனர். அதிக நேரம் ஃபேஸ்புக்கில் செலவழிப்பவர்கள் பலர் மன அழுத்தத்தில் மூழ்கும் அபாயத்தில் ஏற்படும் என்றும், ஃபேஸ்புக் தளத்துக்கு அடிமையாவோர், தனிமை உணர்வால் வாடும் நிலைக்குத் தள்ளப்படும் சூழலுக்கு ஆளாவார்கள் என்றும் எச்சரிக்கை விடப்பட்டுள்ளது.

ஃபேஸ்புக் போன்ற சமூக வலைத்தளங்கள் நம் அனைவரையும் இணைக்கும் வண்ணம் காட்சியளித்தாலும், அதிக நேரம் பயன்படுத்தினால் ஆபத்தான விளைவுகளை தரக்கூடும் . 

மூன்று கட்டமாக நடந்த இந்த ஆய்வில், முதல் கட்டமாக 123 ஜெர்மன் பேசும் ஃபேஸ்புக் வாசகர்களைக் கொண்டு ஆராய்ந்தனர். பெரும்பாலானவர்கள் ஃபேஸ்புக்கில் சிறிது நேரம் செலவிட்டவுடன் அவர்களின் மனநிலையில் மாற்றம் காணப்பட்டது. (அமேசான் மெகேனிகல் டர்க்) என்ற திட்டத்தின் மூலம் இதன் இரண்டாம் கட்ட ஆராய்ச்சியில் 263 பேர் பங்கேற்றனர். அதில் பங்கு பெற்றவர்களின் மனநிலையிலும் மாற்றம் காணப்பட்டது. இந்த ஆராய்ச்சியின் கடைசி கட்டமாக 101 ஃபேஸ்புக் வாசகர்களிடம் 'ஃபேஸ்புக் பக்கங்களைப் பார்ப்பது உங்களுக்கு மகிழ்ச்சி அளிக்குமா அல்லது சோகத்தை உண்டாக்குமா?' என்ற கேள்வி கேட்கப்பட்டது. 

இந்த கட்டத்திலும் 'ஃபேஸ்புக்கிலிருந்து வெளிவரும்போது தங்கள் வாழ்க்கையில் தனிமை ஏற்படுகிறது' என்று வைரல் க்ளோபல் நியூஸ் நிறுவனம் தகவல் தெரிவித்துள்ளது. இதனிடையே, கூச்ச சுபாவம் உள்ளவர்கள், பிறரிடம் அதிகம் பேசாத உள்முக சிந்தனையாளர்கள் ஃபேஸ்புக்கில் அதிக நேரம் செலவழிப்பதால் தன் நண்பர்களுடனும், உறவினர்களுடனும் பகிர்வது சிறிதே என்றும் அலபாமா பல்கலைக்கழகத்தில் மேற்கொள்ளப்பட்ட புதிய ஆராய்ச்சியில் தெரியவந்தது.


Thanks to : http://www.dinakaran.com/News_Detail.asp?Nid=108597

ஜி-மெயில் கணக்கு பாதுகாப்பாக இருக்கிறதா?

சுமார் 50 லட்சம் ஜி-மெயில் கணக்காளர்களின் பயனர் பெயர், பாஸ்வேர்டுகளை ஹேக்கர்கள் இணையத்தில் வெளியிட்டது தொடர்பாக கூகுள் நிறுவனம் விளக்கம் அளித்துள்ளது. ஆப்பிள் நிறுவனத்தின் ஐ-கிளவுட் மூலம் சேகரிக்கப்பட்ட ஹாலிவுட் நடிகைகளின் நூற்றுக்கணக்கான அந்தரங்க படங்கள், ஹேக்கர்களால் கடந்த வாரம் இணையத்தில் கசியவிடப்பட்டது, தொழில்நுட்ப உலகில் பரபரப்பை ஏற்படுத்தியது.

இந்த விவகாரத்தில் இன்னும் தீர்வு ஏற்படாத நிலையில், கூகுள் கணக்குகளின் இ-மெயில் சேவையான ஜி- மெயில் வாடிக்கையாளர்களில் சுமார் 50 லட்சம் கணக்குகளின் பயனர் பெயர்கள், கடவுச் சொற்கள் உள்ளிட்ட விவரங்கள் ஹேக்கர்களால் திருடப்பட்டு புதன்கிழமை இணையத்தில் கசிய விடப்பட்டுள்ளது.

பிட்காய்ன் என்ற பாதுகாப்பு நிறுவனத்தின் இணையதளத்தில் இந்த விவரங்கள் அனைத்தும் வெளியிடப்பட்டது. இத்துடன் ஹேக்கர்களால் கசியவிடப்பட்ட தகவல்களின் விவரங்களும் தெரிவிக்கப்பட்டதாக செய்திகள் வெளியாகின. இது தொடர்பாக பரவிய செய்தியால் ஜி-மெயில் பயன்படுத்தும் பயனீட்டாளர்கள் கடும் அதிர்ச்சியடைந்தனர்.

கூகுள் சேவைகளான ஜி-மெயில், யூ டியூப், ஹேங்அவுட், டிரைவ், மேப் உள்ளிட்ட பல சேவைகளுக்கு பயனீட்டாளர்களின் ஒரே பயனர் பெயர் மற்றும் கடவுச் சொற்கள் உபயோகப்படுத்தப்படுவதால் இணையவாசிகள் மத்தியில் இந்தச் செய்தி பெரும் குழப்பத்தை ஏற்படுத்தியது. மேலும், 60% கணக்குகளின் கடவு சொற்கள் மாற்றப்படாமலேயே உள்ளதாகவும், அந்த ஹேக்கிங் நிறுவனம் குறிப்பிட்டு இருந்தது.

இது குறித்து கூகுள் நிறுவனம் அளித்துள்ள விளக்கத்தில், ' 50 லட்சம் ஜி-மெயில் கணக்குகள் ஹேக் செய்யப்பட்டதாக தகவல் வெளியாகி உள்ளது. ஆனால் இது குறித்து நாங்கள் ஆராய்ந்ததில், அவற்றில் 2% கணக்குகள் மட்டுமே பாதிக்கப்பட்டிருக்கலாம் எனத் தெரிகிறது. இவையும், மற்ற இணையதளங்களில், மெயில் விவரங்களை பகிர்வது போன்ற செயல்களால் நடக்கும் பிரச்சினைகளால் நடந்ததுதான். இது போன்ற பிரச்சினைகளால் பாதிக்கப்பட்ட 2% கணக்குகளின் தொடர்பாக நாங்கள் ஆராய்ந்து பார்த்துவிட்டோம்.

கூகுள் சேவையில், ஹேக்கர்களை கண்டறிவதற்காக, தானியங்கி தடுப்பு அமைப்புகள் கொண்ட வழிமுறைகள் கையாளப்படுகிறது, கடவுச்சொற்கள் மற்றும் பயனர் பெயர்கள் திருடப்படுவதை இந்த தானியங்கி தடுப்பு அமைப்பு நிறுவனத்திற்கு சர்வரின் மூலம் தெரியப்படுத்தும்.

ஜி-மெயில் கணக்குகள் என்றுமே பாதுகாப்பானவை. பயனீட்டாளர்களும் தங்களது தரப்பில் கணக்குகளுக்கு பாதுகாப்பான கடவுச்சொற்களை ஏற்படுத்த வேண்டும். எச்சரிக்கை விடுக்கப்பட வேண்டிய மற்ற மெயில் விவரங்கள் மற்றும் தொலைப்பேசி எண் உள்ளிட்டவற்றை உரிய முறையில் பதிவேற்றி, தம் கணக்குகளை பாதுகாத்துக் கொள்ளவேண்டும் ' என்று அந்த நிறுவனம் தெரிவித்துள்ளது.

மேலும், ஜி-மெயில் பயனாளர்கள் தங்களது இ-மெயில் கணக்கு பாதுக்காப்புடன் உள்ளதா என்று அறிந்துகொள்ள https://isleaked.com/en.php என்ற காஸ்பர்ஸ்கி நிறுவனத்தின் லிங்க்-யையும் கூகுள் நிறுவனம் வழங்கியுள்ளது. அதில், தங்களது ஜி-மெயில் கணக்கு பாதுகாப்பாக இருக்கிறதா என்பதை சரிபார்த்துக்கொள்ளலாம். 

Tanks to : http://www.dinakaran.com/News_Main_spl.asp?Id=17

யூடியூப் வீடியோக்களை விளம்பரங்கள் இல்லாமல் பார்க்க

யூடியூப் வீடியோக்களை விளம்பரங்கள் இல்லாமல் பார்க்க வழி

வீடியோக்களை பார்த்து ரசிப்பது என்று வரும் போது யூடியூப் பெஸ்ட் . ஆனால் யூடியூப்பில் வீடியோக்களை பார்த்து ரசிக்கும் போது , பக்கவாட்டில் விளம்பரங்களை பொறுத்துக்கொண்டாக வேண்டும். இத்தைகைய விளம்பர இடையூறுகள் இல்லாமல் யூடியூப் வீடியோக்களை பார்த்து ரசிக்க வழி செய்யும் இணையதளங்களும் இல்லாமல் இல்லை. வியுபியூர் சேவையும் இந்த ரகத்தை சேர்ந்தது தான்.

யூடியூப் வீடியோக்களை சுத்தமாக்கி தருவதாக இந்த இணையதளம் சொல்கிறது. அதாவது யூடியூபி வீடியோ தொடர்பான விளம்பரங்கள் மற்றும் பக்கவாட்டில் தோன்றக்கூடிய தொடர்புடைய வீடியோ பரிந்துரை மற்றும் பின்னூட்டங்கள் போன்ற இடையூறுகள் இல்லாமல் தேர்வு செய்த விடியோவை மட்டும் பார்க்கலாம். இதற்காக பார்க்க விரும்பும் யூடியூப் வீடியோ இணைப்பை மட்டும் இந்த தளத்தில் சமர்பித்தால் போதும் விளம்பரம் போன்றவற்றை நீக்கி சுத்தமாக்கி விடுகிறது.

வழக்கமான யூடியூப்பில் பார்ப்பதற்கும் வியுபியூர் சேவையில் பார்ப்பதற்கும் என்ன வித்தியாசம் என்பதை முகப்பு பக்கத்திலேயே காட்சி வீடியோவாகவும் சுட்டிக்காட்டப்பட்டுள்ளது. இந்த சேவைக்கான புக்மார்கிங் வசதியும் உள்ளது. அதன் மூலம் நேரடியாக யூடியூப் தளத்திலேயே இதை பயன்படுத்திக்கொள்ளலாம்.

வீடியோ பிரியர்களுக்கு சரியான சேவை இது. ஆனால் சில வீடியோக்களில் இந்த தூய்மை படுத்தலையும் மீறி விளம்பரங்கள் எட்டிப்பார்க்கலாம். அவற்றை பொறுத்துக்கொள்வதைவிட வேறு வழியில்லை. பயன்படுத்தி பார்த்து சொல்லுங்கள்.

இணைய முகவரி; http://viewpure.com/

thanks to : http://cybersimman.wordpress.com/